.jpg )
స్టార్టప్‌ల ప్రోత్సాహానికి సుబ్బు కోటా ఫౌండేషన్ సహకారం
బాలాజీచెరువు: ఇంజినీరింగ్ విద్యార్థుల్లో సాంకేతిక విద్య మరియు సృజనాత్మకతను పెంపొందించేందుకు సుబుకోటా ఫౌండేషన్ అధిపతి శ్రీ సుబ్బు ఎం. కోటా మద్దతు అందిస్తున్నారని ఆయన పేర్కొన్నారు. జేఎన్టీయూకేలో బుధవారం ఇంజినీరింగ్ మొదటి మరియు మూడవ సంవత్సర విద్యార్థుల కోసం నిర్వహించిన "స్పార్క్ ఒరియంటేషన్ -2" కార్యక్రమంలో ఆయన పాల్గొన్నారు.
ఈ సందర్భంగా శ్రీ సుబ్బు ఎం. కోటా మాట్లాడుతూ, సాంకేతిక విద్యనభ్యసించే విద్యార్థులను స్టార్టప్‌ల వైపు ప్రోత్సహించడం తమ ఫౌండేషన్ ప్రధాన లక్ష్యమని తెలిపారు. ఈ ఒరియంటేషన్‌లో యూనివర్సిటీ ఫెసిలిటేటర్లు, పూర్వ విద్యార్థులు కంట్రిబ్యూటర్లు, ప్రస్తుత విద్యార్థులు లబ్ధిదారులుగా పాల్గొంటారని వివరించారు.
ఇన్చార్జ్ వీసీ శ్రీ కేవీ ఎసీ మురళీకృష్ణ మాట్లాడుతూ, విద్యాసంస్థల్లో సృజనాత్మకత, ఆవిష్కరణ, వ్యవస్థాపకత ను పెంపొందించేందుకు ఈ కార్యక్రమం ఎంతో ఉపయుక్తమని పేర్కొన్నారు.
సుబుకోటా ఫౌండేషన్ ద్వారా యువ పారిశ్రామికవేత్తలకు ప్రోత్సాహం అందించేందుకు కళాశాలలో పలు కార్యక్రమాలను నిర్వహించడం ఎంతో సంతోషకరమని జేఎన్టీయూకే పూర్వ విద్యార్థి శ్రీ సుబ్బు ఎం. కోటా తెలిపారు. కళాశాల అభివృద్ధి కోసం రూ. కోటి రూపాయలను అందజేస్తున్నట్లు ప్రకటించడం గర్వకారణమన్నారు.
ఈ కార్యక్రమంలో క్రాస్ బోర్డర్స్ ఫౌండర్ శ్రీ సుబ్బరాజు, ఇంక్యుబేషన్ డైరెక్టర్ శ్రీ కృష్ణప్రసాద్, కళాశాల ప్రిన్సిపాల్ శ్రీ మోహనరావు, మెకానికల్ విభాగ అధిపతి శ్రీ లింగరాజు, ఐఐఎస్ అండ్ సెల్ కో-ఆర్డినేటర్ శ్రీ కె. రాజశేఖర్, సీఎస్ఈ అసిస్టెంట్ ప్రొఫెసర్ శ్రీ రఘు తదితరులు పాల్గొన్నారు.