AAA నేషనల్ కాన్ఫరెన్స్ కు ఆంధ్రప్రదేశ్ Dy.CM పవన్ కళ్యాణ్ గారికి ప్రత్యేక ఆహ్వానం

అమరావతి (జనవరి 17, 2025) -  అమరావతిలో, AAA సంస్థకు మరో కీలక ఘట్టం చోటుచేసుకుంది. AAA సంస్థాపకులు శ్రీ హరి మోతుపల్లి గారు మరియు నేషనల్ ప్రెసిడెంట్ బాలాజీ వీర్నాల గార్లు ఆంధ్రప్రదేశ్ డిప్యూటీ ముఖ్యమంత్రి మరియు జనసేన పార్టీ అధ్యక్షులు శ్రీ కొణిదెల పవన్ కళ్యాణ్ గారిని AAA సభ్యుల తరఫున మర్యాదపూర్వకంగా కలుసుకున్నారు. ఈ సందర్భంగా, మార్చి 28-29, 2025 తేదీల్లో ఫిలడెల్ఫియాలో జరగనున్న AAA మొదటి జాతీయ సదస్సుకు ఆయనను ఆహ్వానించటంతో పాటు, AAA యొక్క లక్ష్యాలు, దిశ, మరియు తెలుగు సమాజానికి ఆ సంస్థ అందిస్తున్న సేవలను వివరించారు.

పవన్ కళ్యాణ్ గారి సానుకూల స్పందన
డిప్యూటీ సీఎం గారు ఈ ఆహ్వానాన్ని ఎంతో ఉదారంగా స్వీకరించడం AAA కి మరింత గౌరవాన్ని తీసుకువచ్చింది. ఆయన సమక్షం ఈ జాతీయ సదస్సుకు విశిష్టతను చేకూరుస్తుంది. ఈ చారిత్రాత్మక కార్యక్రమం తెలుగు సమాజం ఐక్యతకు కొత్త ఊపిరిని అందిస్తుందని అనుకుంటున్నాం.

AAA గురించి: ఆంధ్రుల సంస్కృతి మరియు వారసత్వానికి అంకితమైన లాభాపేక్షలేని సంస్థగా USAలో స్థాపించబడింది. ఆంధ్రప్రదేశ్ సంస్కృతి, సంప్రదాయాలను పరిరక్షించి, సమాజానికి సేవలందించడం దీని ప్రధాన లక్ష్యం. ఇది ఆంధ్ర సంప్రదాయాలకు బలమైన మద్దతును అందిస్తూ, తెలుగు ప్రజలను ఒకేచోట చేర్చి మన సంస్కృతిని పండుగలా జరుపుకునే అవకాశాన్ని కల్పిస్తోంది.

AAA అనేది మన ఆంధ్రుల హృదయాల్లోని ఖాళీని పూరించేందుకు, మన మూలాలను గుర్తు చేసుకుంటూ, మన సంస్కృతిని భావి తరాలవారికి అందించడానికి మాతోడుగా ఉంది.

సభ్యులకు పిలుపు: 

ఈ గొప్ప కార్యాచరణను విజయవంతం చేయడానికి ప్రతి AAA సభ్యుడు చురుకుగా పాల్గొనాలి. ఈ సదస్సు మన ఐక్యతకు ప్రతీకగా నిలిచి, మన తెలుగు వారసత్వాన్ని కొత్త పుంతలు తొక్కేలా చేస్తుంది అని AAA డల్లాస్ చాప్టర్ ప్రెసిడెంట్ రాజ్ కిరణ్ చెన్నారెడ్డి తెలిపారు.