తిరుమల నూతన ఛైర్మన్‌గా బీఆర్‌ నాయుడు 24 మంది సభ్యులతో కొత్త బోర్డు ఏర్పాటు
తిరుమల తిరుపతి దేవస్థానం పాలక మండలి నూతన ఛైర్మన్‌గా బీఆర్‌ నాయుడు నియామకమయ్యారు. ఈ మేరకు ఏపీ సర్కార్‌ 24 మంది సభ్యులతో కూడిని నూతన టీటీడీ పాలకమండలి ఏర్పాటు చేసింది. తితిదే ఛైర్మన్‌గా నియమితులైన బీఆర్‌ నాయుడు మాట్లాడుతూ తనకు ఈ అవకాశం ఇచ్చిన ముఖ్యమంత్రి చంద్రబాబు, డిప్యూటీ సీఎం పవన్‌ కల్యాణ్, ఎన్డీయే కూటమి నేతలకు ధన్యవాదాలు తెలిపారు. తాను కూడా తిరుమలలోనే పుట్టి పెరిగానని, అక్కడి విషయాలన్నీ తనకు క్షుణ్ణంగా తెలుసని అన్నారు. అందుకే తన బాధ్యత మరింత పెరిగిందని ఈ సందర్బంగా ఆయన వ్యాఖ్యానించారు. తిరుమలలో చేయాల్సిన పనులు చాలా ఉన్నాయని, వాటిపై సీఎం చంద్రబాబుతో చర్చించానన్నారు. పదవీ బాధ్యతలు చేపట్టిన తర్వాత మరోసారి ఆయనతో చర్చించి నిర్ణయాలు తీసుకుంటామని తెలిపారు. తిరుమల భక్తులకు ఎలాంటి సౌకర్యాలు కల్పించాలి వంటి తదితర అంశాలపై క్షుణ్ణంగా అధ్యయనం చేసి, పాలకమండలి ఆమోదంతో పూర్తి చేయాలన్నదే తన ఆశయమన్నారు. ఈ బాధ్యత తన పూర్వజన్మ సుకృతంగా భావిస్తున్నట్లు తెలిపారు.
నూతనంగా నియమితులైన టీటీడీ బోర్డు సభ్యులు వీరే..
జ్యోతుల నెహ్రూ (జగ్గంపేట ఎమ్మెల్యే)
వేమిరెడ్డి ప్రశాంతిరెడ్డి (కోవూరు ఎమ్మెల్యే)
ఎం.ఎస్‌ రాజు (మడకశిర ఎమ్మెల్యే)
పనబాక లక్ష్మి (కేంద్ర మాజీ మంత్రి)
జాస్తి పూర్ణ సాంబశివరావు
నన్నూరి నర్సిరెడ్డి (తెలంగాణ)
సదాశివరావు నన్నపనేని
కృష్ణమూర్తి ( తమిళనాడు)
కోటేశ్వరరావు
మల్లెల రాజశేఖర్‌ గౌడ్‌
జంగా కృష్ణమూర్తి
దర్శన్‌. ఆర్‌.ఎన్‌ (కర్ణాటక)
జస్టిస్‌ హెచ్‌ఎల్‌ దత్‌ (కర్ణాటక)
శాంతారామ్‌
పి.రామ్మూర్తి (తమిళనాడు)
జానకీ దేవి తమ్మిశెట్టి.(మంగళగిరి)
బూంగునూరు మహేందర్‌ రెడ్డి (తెలంగాణ – జన సేన)
అనుగోలు రంగశ్రీ (తెలంగాణ – జన సేన)
బూరగాపు ఆనందసాయి (తెలంగాణ- జన సేన)
సుచిత్ర ఎల్ల (తెలంగాణ)
నరేశ్‌కుమార్‌ ( కర్ణాటక)
డా.అదిత్‌ దేశాయ్‌ (గుజరాత్‌)
సౌరబ్‌ హెచ్‌ బోరా (మహారాష్ట్ర)