గుంటూరు NDA కూటమి ఎంపీ అభ్యర్థి Dr. పెమ్మసాని చంద్రశేఖర్ ను కలిసిన పలువురు జనసేన మద్దతుదారులు

డల్లాస్, టెక్సాస్ (అమెరికా): జనసేన నాయకులు మరియు మద్దతు దారులు దాదాపు 30 మందిపైన పెమ్మసాని చంద్రశేఖర్ గారి ని మర్యాదాపూర్వకంగా కలిసి కూటమి తరుపున అఖండ మెజార్టీ తో గెలవాలని శుభాభినందనలు తెలియచేశారు. 

శ్రీమంతుడు సినిమాలో మహేష్ బాబు తన విలాసవంతమైన లైఫ్ వదులుకొని వ్యవసాయం చేయడానికి వచ్చేస్తాడు , నిజ జీవితంలో ఎంతో విజయవంతమైన వ్యాపారాలు చేసుకుంటూ, సంపన్నుడైన వ్యక్తి  ప్రజలకు తనవంతు సహాయం చేయాలి అని NRI గా ఉన్నటువంటి పెమ్మసాని గారు ప్రజా సేవ చేయడానికి రాజకీయాలవైపు వచ్చారు. 

అత్యంత విద్యావంతుడు, మృధుస్వభావి మరియు విషయాన్నీ సూటిగా మాట్లాడతారు అనే పేరు తెచ్చుకున్నారు. 

మరీముఖ్యంగా అమరావతి రాజధానిలో వైసీపీ ప్రభుత్వం నిర్లక్ష్యంగా పెట్టిన, గతప్రభుత్వంలో  కట్టిన కట్టడాలు మరియు  ప్రస్తుత ప్రభుత్వంలో వున్నవ్యక్తులు  ఇసుక, రెడ్ శాండ్ వంటి ప్రకృతి సంపదను ఎలా దోచారో ప్రజలకు సోషల్ మీడియా ప్లాటుఫామ్స్ లో చూపించి అందరి దృష్టిని ఆకర్షించారు. 

అతితక్కువ సమయంలో ప్రజలతో ఎలా మమేకమై, వాళ్ళందరి లో ఒకడిలా ఉండి  ఎలెక్షనీరింగ్ ఎంతో అద్భుతంగా చేశారో , తన అనుభవాలను పంచుకున్నారు. వివిధ వర్గాల నాయకులను కార్యకర్తలను  టీడీపీ పార్టీలో చేర్చడంలో కీలకపాత్రవహించారు . 

గుంటూరు పార్లమెంట్ పరిధిలో గల 7 అసెంబ్లీ నియోజకవర్గాలు కూటమి అభ్యర్థులే గెలుస్తారు అని ధీమా వ్యక్తం చేశారు . 

అంతేకాకుండా ఆంధ్రప్రదేశ్ రాష్ట్రంలో కూటమి తరుపున 120+ అసెంబ్లీ సీట్స్ వస్తాయి అని ఆశాభావం వ్యక్తం చేశారు. కేంద్రంలో NDA అలయన్స్ 300+ పైన స్థానాలు కైవసం చెసుకుంటుంది అని తెలియచేశారు. 

తనను నమ్ముకున్న గుంటూరు ప్రజానీకానికి మరియు ప్రాంతానికి  అభివృద్ధి ని చేసి చూపిస్తాను అన్నారు. అలాగే రాజకీయాలలోనే తన జీవితాన్ని కొనసాగిస్తాను అన్నారు. 

రాబోయేకాలంలో రాజకీయాలలో డబ్బు ఒరవడిని తగ్గించి తనవంతుగా  ప్రజలను చైతన్య పరుస్తాను అన్నారు. 

పలువురు జనసైనికులు అడిగిన ప్రశ్నలకు ఎంతో ఓపికగా సమాధానాలు ఇచ్చారు. 

డాక్టర్ పెమ్మసాని చంద్రశేఖర్ గారిని కలిసినవారిలో  జనసేన నాయకులు ముఖ్యంగా డల్లాస్ బాబీ, సురేష్ లింగినేని, శివ కొప్పరాతి, రాజేష్ కళ్లేపల్లి, శ్రీరామ్ మత్తి మరియు సురేష్ చిలంకుర్తి తదితరులు ఉన్నారు. 

Article By: శివ పల్లప్రోలు